قدّاش ما أحلاه الاحساس كيف تتلقّى تهاني العيد من عند أصحاب حتّى لو كانوا ما يؤمنوش بيه و تلقاهم في المناسبات الدّينية الأخرى يكونوا مالأوائل الّي يباركولك، بالرّغم الّي ممكن ما يعنيلهم شي غير أنّو أنت تحتفل بيهم بما أنّك مسلم ... ناس الّي حتّى لو ماهمش على نفس دينك، يحترموا معتقداتك و يآمنوا بصداقتك ... هو من المفروض و المعقول انّه هذا يكون شي طبيعي في العلاقات الانسانية لكن للأسف من كثرة مانا نعيشوا في تأزّمات كبيرة قائمة على عدم احترام اختلاف الأديان و المعتقدات والأحزاب ،كيما قال لاخر "عيد النهضة ولا عيدنا" ، تو هذا كلام !!! ولّينا نعتبروه حالة شاذّة الّي نتمنّى في يوم من الأيّام تولّي هي المبدأ الّي نقيسو عليه ..
الإنسانيّة تجمعنا ( :
